चारो धाम है मात पिता रे चरणों में है भाया रे लिरिक्स

चारो धाम है मात पिता रे,
चरणों में है भाया रे,
फिर क्यों मंदिर फिरो भटकता,
मात पिता री करो सेवा रे,
चारों धाम है मात पिता रे,
चरणों में है भाया रे।।

देखे – मात पिता की सेवा जैसा।

बेटा तो म्हारा घणा समझणा,
कदे ना मुंडे बोल्या रे,
मरिया पाछे गांव जिमावे,
म्हे कई जीमन आवा रे,
चारों धाम है मात पिता रे,
चरणों में है भाया रे।।

बहुवा देखो म्हारी घणी समझणी,
कदे ना थाल परोस्यो रे,
मरिया पछे फोटू ने लाड दिखावे,
म्हे कई लाड लडावा रे,
चारों धाम है मात पिता रे,
चरणों में है भाया रे।।

पोता तो म्हारा घणा समझणा,
कद ना पाणी पायो रे,
मरिया पीछे प्याउ बनावे,
म्हे कई पीवन आवा रे,
चारों धाम है मात पिता रे,
चरणों में है भाया रे।।

बेटी तो देखो म्हारी घणी समझणी,
कद ना मिलवा आवे रे,
मरिया पीछे रोवन बैठी,
म्हे कई देखण आवा रे,
चारों धाम है मात पिता रे,
चरणों में है भाया रे।।

बीरा तो म्हारा घणा समझणा,
कद ना आड़े आया रे,
मरिया पीछे चुनडी उड़ावे,
म्हे कई ओढ़न आवा रे
चारों धाम है मात पिता रे,
चरणों में है भाया रे।।

चारो धाम है मात पिता रे,
चरणों में है भाया रे,
फिर क्यों मंदिर फिरो भटकता,
मात पिता री करो सेवा रे,
चारों धाम है मात पिता रे,
चरणों में है भाया रे।।

Singer – Sunita Swami