तेरे धुणे पे गोरख बाबा दुनिया शिश झुकावे से

तेरे धुणे पे गोरख बाबा,
या दुनिया शिश झुकावे से,
जोड़े म जब चले कालका,
तेरी श्यान बढ़ावे स।।

तेरे नाम के धुणे बाबा,
सारे जगत म होरे स,
ओम शिव गोरख,
ओम शिव गोरख,
जयकारे ये लग रे स,
लाखों दुनिया पार उतरगी,
जो तेरी भभुती खावे स,
जोड़े म जब चले कालका,
तेरी श्यान बढ़ावे स।।

कैंसर टीबी पेट दर्द की,
तेरे पास दवाई हो,
मरघट आली बक्से कोन्या,
मरघट आली बक्से कोन्या,
जिसके ओपरी पराई हो,
हाथ में खपर ठा री हो मां,
जब भुत भाज ते पावै स,
जोड़े म जब चले कालका,
तेरी श्यान बढ़ावे स।।

तेरे धुणे की भभुती बाबा,
बिगड़े काम बणा दे स,
बांझ कह जिस नारी न ये,
उसके भी लाल खिलादे स,
पाप करणीया न तरसा दे स,
जो अपना घमंड दिखावे स,
जोड़े म जब चले कालका,
तेरी श्यान बढ़ावे स।।

अनूप भगत कह घणियार आला,
तने सचे दिल त ध्यावे स,
जेसी भगति वेसी शक्ति,
या दुनिया कहती आवे स,
राजफुल कुचरानिया बणा के,
भजन सुणावे प्यारे से,
जोड़े म जब चले कालका,
तेरी श्यान बढ़ावे स।।

तेरे धुणे पे गोरख बाबा,
या दुनिया शिश झुकावे से,
जोड़े म जब चले कालका,
तेरी श्यान बढ़ावे स।।

Singer – Rajphool kuchraniya
Upload By – Deepak
9053460307