मूल मडोण सेज धून लागी,
प्रेम जोत प्रकाशा,
गुरु जी रा वचन,
हिरदा रे माही राखो,
खोजत खोजत पाया,
डूंगर पूरी केवे सूणो हंस राजा,
धिन गुरूजी दर्शाया जी।।
शूशियो भोण होया दोनू भेला,
घर सूखमण रे आया,
आपरो कलश अमीरस भरीया,
पिवत पिवत पाया,
डूंगर पूरी केवे सूणो हंस राजा,
धिन गुरूजी दर्शाया जी।।
त्रिगटी रो ध्यान धिरप सू धरीयो,
सूरत नूरत मिलाया,
रूम रूम धून गेरी गाजे,
अनहद नाद घूराया,
डूंगर पूरी केवे सूणो हंस राजा,
धिन गुरूजी दर्शाया जी।।
लिवनारी डोर सिल नट सडियो,
चढत निशान घूराया,
रमत मडी राम थारे आगे,
सूर नूर जोवण आया,
डूंगर पूरी केवे सूणो हंस राजा,
धिन गुरूजी दर्शाया जी।।
सोवन सिखर मे महा धर्म रसियो,
दर्शन विरले पाया,
डुगर पूरी गूरू जी रे सरणे,
बोहे अमरा पूर पाया,
डूंगर पूरी केवे सूणो हंस राजा,
धिन गुरूजी दर्शाया जी।।
मूल मडोण सेज धून लागी,
प्रेम जोत प्रकाशा,
गुरु जी रा वचन,
हिरदा रे माही राखो,
खोजत खोजत पाया,
डूंगर पूरी केवे सूणो हंस राजा,
धिन गुरूजी दर्शाया जी।।
गायक – प्रेम गोस्वामी बाड़मेर।
9799880344
बढ़िया देसी भजन