मैया जी गोगला,
नगरी में थारो धाम,
नगरी में थारो धाम,
सेवकीया आया बारने,
ओ म्हारी माँ,
सूरज सामी बनीयो देवरो,
ए म्हारी माँ।।
म्हारा भाईडा आधी शक्ति,
कहिजे जिनरो नाम,
कोई कहिजे जिनरो नाम,
भगता रे वेली आवता,
ओ म्हारी माँ,
भगता रा कारज सारता,
ए म्हारी माँ।।
मैया जी थारी महिमा,
जग में मोटी माँ कोई,
आड भवानी मात,
सेवक रे हलके आवजो,
ए म्हारी माँ,
टाबरिया बुलावे आवजो,
ए म्हारी माँ।।
मैया जी दाबर परिवार,
सपना मे थे आय,
सपना मे थे आय,
सपना मे वचन मांगीयो,
ए म्हारी माँ,
सपना मे वचन मांगीयो,
ए म्हारी माँ।।
मैया जी पुजारी,
प्रकाश जी कहिजे आज,
कोई सेवक कहिजे आपरा,
इना रे भेला रेवजो,
ए म्हारी माँ,
इना रे साथे रेवजो,
ए म्हारी माँ।।
मैया जी आरतीया,
रविवार री होय,
कोई रविवार री होय,
नर नारी आवे बारने,
ए म्हारी माँ,
छोटा ने मोटा आवता,
ए म्हारी माँ।।
मैया जी गावा गावा,
हरि गुण मंगल आज,
थारा हरि गुण मंगल आज,
थारी रात जगावा मावडी,
ए म्हारी माँ,
थारी रात जगावा मावडी,
ए म्हारी माँ।।
मैया जी गोगला,
नगरी में थारो धाम,
नगरी में थारो धाम,
सेवकीया आया बारने,
ओ म्हारी माँ,
सूरज सामी बनीयो देवरो,
ए म्हारी माँ।।
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
9640557818
