लगन्या लागी वो सांवरिया,
थारा दर्शन करबा की,
लगनया लागी वो।।
थे हो मारा छेल छोगाला,
मैं चरणा रो चाकर जी,
जनम जनम की प्रितडली-2,
निभाओ तो सरी,
लगनया लागी वो।।
झुलणी ग्यारस को मेलो,
गणों जोर को लागे जी,
जुलबा ने जावे छोगाला-2,
मन हरसावे जी,
लगनया लागी वो।।
चारभुजा रा दर्शन करबा,
देखो दुनिया आवे जी,
साचा मन सु जो कोई मांगे-2,
फल वो पावे जी,
लगनया लागी वो।।
नानु पंडित चरण सरण में,
एक आसरो भारी जी,
ठाकुर जी रा भजन सुणावे-2,
लजीया राखो जी,
लगनया लागी वो।।
लगन्या लागी वो सांवरिया,
थारा दर्शन करबा की,
लगनया लागी वो।।
गायक – देव शर्मा।
8290376657
