गोरख तेरा चिमटा निराला हो करै धूणे पै चाला हो

गोरख तेरा चिमटा निराला हो,
करै धूणे पै चाला हो।।

जगै यो धूणा तेरा बागड़ म,
लाग्गै चिमटा रोगी की कड़ म,
रहै ना पास भूत बदमास,
पडै़ जब तेरे त पाला हो,
करै धूणे प चाला हो,
गोरख तेरा चिमटा निराला हों,
करै धूणे प चाला हो।।

चलावै धूणा बेल अगत की,
राक्खै चिमटा खबर जगत की,
हो पूर्ण आश करै जो अरदास,
रहै सदा घर म उजाला हो,
करै धूणे प चाला हो,
गोरख तेरा चिमटा निराला हों,
करै धूणे प चाला हो।।

जगावै धूणा तेरा जो अखण्ड,
जागज्यां भाग बदल ज्यां ढंग,
मिलै सत्कार जगत का प्यार,
टूट ज्यां भ्रम का ताला हो,
करै धूणे प चाला हो,
गोरख तेरा चिमटा निराला हों,
करै धूणे प चाला हो।।

साथ कुलदीप भगत के तू डोल्लै,
भेद सभ आगले पाछले खोल्लै,
गजेन्द्र दास रहै तेरे पास,
कष्ट लक्की का टाल्या हो,
करै धूणे प चाला हो,
गोरख तेरा चिमटा निराला हों,
करै धूणे प चाला हो।।