धूणे बिन गोरख सुना,
गोरख बिन धूणा सुन्ना,
धूणे पै पूरा सिद्ध नाथ जी।।
तर्ज – हाँसू तो हाँस्या ना जा।
चिमटा और झोली नाथी,
अल्फी लंगोटा,
कानां म्ह मुद्रा सोटा,
लटा का भरोटा,
बाणे बिन साधू सून्ना,
साधू बिन बाणा सून्ना,
धूणे पै पूरा सिध नाथ जी,
धूणे बिन गोरख सुन्ना,
गोरख बिन धूणा सुना।।
धूणे पै ज्योती चाहिए,
तपणे नै साधू,
भगती और शक्ति तूलज्या,
दूनीया सुवादू,
भगती बिन शक्ति सून्नी,
शक्ति बिन भगती सून्नी,
धूणे पै पूरा सिद्ध नाथ जी,
धूणे बिन गोरख सून्ना,
गोरख बिन धूणा सून्ना।।
काँधे पै झोली चाहिए,
मूख पै आलेख हो,
बाल ब्रम्हचारी,
भाव विवेक हो,
दूनीया तै हो ना नाता,
वो हे साधू कहलाता,
धूणे पै पूरा सिद्ध नाथ जी,
धूणे बिन गोरख सून्ना,
गोरख बिन धूणा सून्ना।।
नाथों का नाथ सिद्ध,
गोरख हुआ जी,
सत् पै गुहणीया,
सदा रहा जी,
लक्की बिन गाणा सुन्ना,
गाणे बिन लक्की सुन्ना,
धूणे पै पूरा सिद्ध नाथ जी,
धूणे बिन गोरख सुन्ना,
गोरख बिना धूणा सुन्ना,
धूणे पै पूरा सिद्ध नाथ जी।।
धूणे बिन गोरख सुना,
गोरख बिन धूणा सुन्ना,
धूणे पै पूरा सिद्ध नाथ जी।।
गायक – लक्की शर्मा पिचौलिया।
9034283904
लेखक – अशोक भगत गुहणिया।
प्रेषक – गजेन्द्र स्वामी कुड़लाण।
9996800660
