चम चम चमके रे बाबा,
थारो देवरो,
धोली धोली उड़े रे धजा,
रुणीजा वाला रामा रे।।
आंधियां भी आवे रे,
बाबा थारे जातरी,
वह तो आंधीया ने आंख्या दे,
रुणीजा वाला रामा रे।।
कोडिया भी आवे रे,
बाबा थारे जातरू,
यह तो कोड़िया रो कोड मिटाए,
रुणीजा वाला रामा रे।।
लुलिया भी तो आवे रे,
बाबा थारे देवेरे,
यह लुलिया ने पांव द राई,
रुणीजा वाला रामा रे।।
बांजया भी आवे रे,
बाबा थारे देवरे,
यह तो बांजया का पालना बंधाई,
रुणीजा वाला रामा रे।।
हरि चरणों में रे,
हरजी भाटी बोलियां,
सरना आया री लज्जा राख,
रुणीजा वाला रामा रे।।
चम चम चमके रे बाबा,
थारो देवरो,
धोली धोली उड़े रे धजा,
रुणीजा वाला रामा रे।।
Upload By – Devi Lal teli
8209365413
