भभूता थारा चेला करै कमाल,
जगत में होरी जय जयकार।।
बण रया सै धाम निराला,
भगता का बनया रखवाला,
डाहोला गाम मैं मन्दिर,
घर घर मैं करै उजाला,
देवै बझँण के घर लाल,
जगत में होरी जय जयकार।।
मन परमार्थ की धरकै,
भोले का नाम सुमार कै,
भगता की भीड़ ओडै आवै,
मोटर लारी भर भरकै,
देवै सै तानती करै निहाल,
जगत में होरी जय जयकार।।
आज़ाद भगत मुख बोल्या,
म्हारा भेद अगत का खोल्या,
तेरी जलधारा कर कर कै,
तनै ज्ञान कुंड मन खोलया,
मेरा श्री जोतराम भगवान,
जगत में होरी जय जयकार।।
संजीव टोहाणे आला,
यो मन का कोन्या काला,
सदा सत की कलम चलावै,
तेरे नाम की ठाली माला,
गुरु जी करया गजेराम ख़ुशहाल,
जगत में होरी जय जयकार।।
भभूता थारा चेला करै कमाल,
जगत में होरी जय जयकार।।
गायक / लेखक – संजीव टोहाना।
9896578391
आशीर्वाद – परम आदरणीय सतगुरू देव,
श्री आजाद भगत जी डाहौला मन्दिर,
जींद हरियाणा।
