बेरी आली मात भीमेश्वरी,
कहै तनै दुनिया सारी,
लाखों भगत तनै तारे मैया,
इबकै सै मेरी बारी।।
रोज रोज ना माँगू मैया,
एकबै झोली भरदे तू,
सारा कुनबा मौज करै माँ,
इसा गुज़ारा कर दे तू,
आज कोए इसा वर दे तू,
खिल जा जीवन की फुलवारी,
लाखों भगत तनै तारे मैया,
इबकै सै मेरी बारी।।
कोठी बंगले ऊँचे दे दे,
ऊँचे कारोबार री,
लाल फरारी चाहे फोरचुनर,
चाहे तू दे दे थार री,
मेरी अर्ज़ी कर स्वीकार री,
माँ तू जग की है महतारी,
लाखों भगत तनै तारे मैया,
इबकै सै मेरी बारी।।
मनै सुनी सै कुल की देवी,
करै कदे भी निराश नहीं,
अपने लाडले भगतां की माँ,
कदे तोड़ती आस नहीं,
तेरे बिना किसे पै विश्वास नहीं,
कित हाथ फैलाऊँ रखवारी,
लाखों भगत तनै तारे मैया,
इबकै सै मेरी बारी।।
इन सब चीजां बिन सर ज्यागी पर,
एक वादा करना होगा,
याद करै जब शुभम लाड़ला,
सिर पै हाथ धरना होगा,
प्रिंस जैन कहै करना होगा,
उपकार यो मैया प्यारी,
लाखों भगत तनै तारे मैया,
इबकै सै मेरी बारी।।
बेरी आली मात भीमेश्वरी,
कहै तनै दुनिया सारी,
लाखों भगत तनै तारे मैया,
इबकै सै मेरी बारी।।
गायक – शुभम रिठालिया।
7840820050
लेखक – प्रिंस जैन।
