आई माता ओ म्हारी जोगमाया,
थारी जय हो,
थारी जय हो बिलाड़ा री राय,
म्हारी जगदम्बा,
ओ मैया निव निव करा प्रणाम,
म्हारी आई माता।।
अम्बापुर में प्रगटिया मां,
अम्बापुर में प्रगटिया,
मैया भादवा री,
मैया भादवा री बीज शनिवार,
म्हारी आई माता,
आया डाबी भीकाजी रे आंगन आप,
म्हारी जगदम्बा,
ओ मैया निव निव करा प्रणाम,
म्हारी आई माता।।
अम्बापुर सु आप पधारीया,
अम्बापुर सु आप पधारीया,
मैया आया आया,
मैया आया आया मरूधर वाले देश,
म्हारी आई माता,
ओ जागी केसर वाली ज्योत,
म्हारी जगदम्बा,
ओ मैया निव निव करा प्रणाम,
म्हारी आई माता।।
एक आसरो आपरो माताजी,
एक आसरो आपरो माताजी,
थेतो किजो किजो,
ओ मैया किजो किजो,
भगता उपर मेहर,
म्हारी आई माता,
मैया करजो टाबरीया पे महर,
म्हारी जगदम्बा,
ओ मैया निव निव करा प्रणाम,
म्हारी आई माता।।
अरजी लेने आवीया मैया,
अरजी लेने आवीया,
मैया आया आया,
मैया आया आया,
भगत बिलाड़ा रे माय,
म्हारी आई माता,
ओ सुनो भगता री अरदास,
म्हारी जगदम्बा,
ओ मैया निव निव करा प्रणाम,
म्हारी आई माता।।
अरे भादवी बीज ने मेलो भरीजे,
मैया भादवी बीज ने मेलो भरीजे,
मैया दर्शन आवे,
मैया दर्शन आवे लाखो नर नार,
म्हारी आई माता,
मैया पुजे थाने सीरवी समाज,
म्हारी जगदम्बा,
ओ मैया निव निव करा प्रणाम,
म्हारी आई माता।।
अरे आई पंथ रा धर्मगुरु जी,
आई पंथ रा धर्मगुरु,
म्हारा ‘माधव सिंह जी’,
एतो माधव सिंह जी कहीजे ओ दिवान,
म्हारी आई माता,
मैया लाल गादी रिद्धि रो प्रमाण,
म्हारी जगदम्बा,
ओ मैया निव निव करा प्रणाम,
म्हारी आई माता।।
‘मनीष सीरवी’ कलम चलावे,
मनीष सीरवी कलम चलावे,
मैया जोगाराम,
मैया जोगाराम प्रजापत गुण गाय,
म्हारी आई माता,
ओ मैया राखो छत्तर वाली छाव,
म्हारी जगदम्बा,
ओ मैया निव निव करा प्रणाम,
म्हारी आई माता।।
आई माता ओ म्हारी जोगमाया,
थारी जय हो,
थारी जय हो बिलाड़ा री राय,
म्हारी जगदम्बा,
ओ मैया निव निव करा प्रणाम,
म्हारी आई माता।।
गायक – जोगाराम जी प्रजापत,
हाथीतला बाड़मेर।
लेखक – मनीष सीरवी,
रायपुर जिला ब्यावर राजस्थान।
9640557818
