म्हारी गाड़ी ने,
सांवरियो चलावे जी,
म्हाने सुपणा में,
झाला दे बुलावे जी,
सुपणा में झाला,
दे बुलावे जी,
म्हाने मंडप्या में,
झाला दे बुलावे जी।।
रात श्याम सुपणा में आयो,
हेलो देकर म्हाने जगायो,
म्हाने सीधो सीधो,
रस्तो बतावे जी,
म्हाने सुपणा में,
झाला दे बुलावे जी।।
म्हारी नैया को रखवालो,
सेठ सांवरो मण्ड्या वालो,
ओ म्हारी अटकोड़ी नैया ने,
पार लगावे जी,
म्हाने सुपणा में,
झाला दे बुलावे जी।।
सांवळिया री लीला न्यारी,
खोल देवे बंद किस्मत म्हारी,
थारा राज प्रताप,
गुण गावे जी,
म्हाने सुपणा में,
झाला दे बुलावे जी।।
म्हारी गाड़ी ने,
सांवरियो चलावे जी,
म्हाने सुपणा में,
झाला दे बुलावे जी,
सुपणा में झाला,
दे बुलावे जी,
म्हाने मंडप्या में,
झाला दे बुलावे जी।।
Singer – Abhay Gupta
Ph. – 9782811013
Lyrics – Rajpratap Saini
