गणो गणो नूतो वो,
दोहा – जग जरणी दुख हरणी मैया,
नौ रूप लिया है दा,
माने दर्शन देवजों भवानी,
होय सिंह पे असवार।
ए गणों गणों नूतो वो,
कंकाली धनियानी थाने नूतो वो,
अरे परमारा री बागल बेगी आवो,
भगता बुलावा बेगा आविजो ओ जी।।
गणों गणों नूतो वो जी,
64 रे जोगणिया थाने नूतो जी,
अरे 52 रे भैरुजी लारे लावो,
भगता बुलावा बेगा आविजो ओ जी।।
ए गणों गणों नूतो वो जी,
संध्या मा धनियानी थाने नूतो जी,
शिशोदा रा भैरु संग लावो,
जागन बेगी आवीजो ओ जी।।
ए गणों गणों नूतो वो जी,
अरे खेड़ा देवी धनियानी थाने नूतो ये,
अरे काला गोरा संग में लेकर आवो,
जागन बेगा आवीजो ओ जी।।
माताजी कट्ठे रे सुता रे,
सुखभर नींद में,
भैरुजी कटे रे सुता रे,
सुखभर नींद में,
भैरुजी आज रे जागन में,
बेगा आवो,
माताजी आज रि जागन में,
बेगा आवो,
भगता बुलावा आविजो।।
माताजी शिशोदा रा ठाकर,
संग में लाविजो,
माताजी शिशोदा रा भैरु,
संग में लाविजो,
ओ थेतो लाजो लाजो,
64 जोगण लार ए,
जागन में रमती आविजो।।
माताजी कट्ठे रे पोच्या,
उड़े ओवरया,
भैरुजी कट्ठे रे पोच्या,
उड़े ओवरया,
ओ थारा भोपा जी ने,
माताजी भोपा ने,
भैरुजी भोपा ने,
डसियों रे कालों नाग,
माताजी भोपा ने,
डसियों रे कालों नाग,
सूरी रे वे तो आविजो।।
अरे भेरू कटे रे पोच्या रे,
पीयाला मायने,
माताजी कटे रे पोच्या रे,
पीयाला मायने,
ए थारी भाेपन ने,
थारी भाेपन ने,
लेग्यो रे भोल्यों भूत,
अरे माताजी भोपन ने,
लेग्यो रे भोल्यों भूत,
जागन में बेगी आविजों।।
एणी धरती पे कोनी रे,
देवी देवता,
एणी भागल में कोनी रे,
देवी देवता,
भेरूजी डाकना करे है,
थारो न्याव,
माताजी भूतड़ा करे है,
थारो न्याव,
ए जागन में बेगी आविजों।।
माताजी आन तो लागे रे,
शिशोदा भैरु री,
भैरुजी आन तो लागे रे,
सत्या माता री,
ए थाने लागे लागे,
खेड़ा देवी की आन,
अरे भैरुजी लागे थाने,
पाट री रे आन,
सुरा हैवे तो आविजो।।
भेरूजी किकी मैं लगाऊँ,
थाने आन जी,
हो थाने लागे लागे,
गौमाता री आन,
अरे माताजी लागे लागे,
गौमाता री आन,
जागन में बेगी आवीजो।।
परमारा री भागल में,
कोनी रे देवी देवता,
एणी भागल में,
कोनी रे देवी देवता,
ए थारे मंदिरिया में,
डाकनिया रो वास,
अरे भैरुजी मंदिरिया में,
डाकनिया रो वास,
जागन में बेगा आवीजो।।
Singer – Bhagwat Suthar
Upload By – Balaji Musical Group Nawalpura
