कबूतर नाड़ी जाइये तू,
मेरा संदेशा भभूता सिद्ध तै,
दे कै आइये तू।।
रस्ते मै मिले जोतराम तू,
उस्तै बतलाइये,
तेरा भगत तो घणा दुखी,
न्यू कह नै आइये,
मेरा दुख उसने सुनाइए तू,
मेरा संदेशा भभूता सिद्ध तै,
दे कै आइये तू।।
धाम गिरासर जाइये,
नाथ निरंजन पावैगा,
गुरु की इज़्ज़त होगी,
भभूता खुश हो जावैगा,
चरणों मै शीश झुकइये तू,
मेरा संदेशा भभूता सिद्ध तै,
दे कै आइये तू।।
नाड्डी धाम की सीम कि माटी,
माथै ला लिए,
मंदिर के अंदर जाकै नै,
शीश झुका लिए,
फेर प्रशाद लगाइये तू,
मेरा संदेशा भभूता सिद्ध तै,
दे कै आइये तू।।
रामनिवास धनौरी का मैसेज,
दे दिए बाबा तै,
बेद तेरा भी घणा दुखी न्यू,
कह दिए बाबा तै,
मेरा दुख उसनै सुनाइए तू,
मेरा संदेशा भभूता सिद्ध तै,
दे कै आइये तू।।
कबूतर नाड़ी जाइये तू,
मेरा संदेशा भभूता सिद्ध तै,
दे कै आइये तू।।
Singer – Ramniwas Dhanauri
9896047050
